Қазақстанда қатты жел тұрып, көктайғақ болатыны болжанады
Сурет: Zakon.kz
15 желтоқсанда еліміздің алты облысында дауылды ескерту жарияланды, деп хабарлайды Zakon.kz.
Синоптиктер Атырау облысының батыс, шығыс және орталығында оңтүстік-шығыстан жел соғатынын болжап отыр, екпіні 15-20 м/с жетеді. Ал Атырау қаласында оңтүстік-шығыстан жел соғады, екпіні 15-20 м/с болады.
Солтүстік Қазақстан облысының солтүстік-шығысында боран соғады. Оңтүстік-батыстан, батыстан жел соғады, күндіз солтүстікте, солтүстік-шығыста, шығыста соққан желдің екпіні 15-20 м/с жетеді.
Ақмола облысының солтүстігінде боран болады. Оңтүстік-батыстан жел соғады, күндіз солтүстіктен, шығыстан соққан желдің екпіні 15-20 м/с жетеді, Көкшетауда оңтүстік-батыстан жел соғады, екпіні – 15 м/с.
Қызылорда облысының оңтүстігінде тұман түседі.
Түнде және таңертең Түркістан облысының оңтүстігінде, батысында, таулы аймақтарында, тау бөктерлерінде тұман, көктайғақ болады деп күтіледі. Шымкентте тұман түседі. Түркістанда түннің бірінші жартысында тұман болады.
Маңғыстау облысының солтүстігінде тұман түседі. Облыстың батысы мен орталығында шаңды дауыл тұрады. Оңтүстік-шығыстан жел соғады, өңірдің батысы мен орталығында соққан желдің екпіні 17-22 м/с жетеді. Оңтүстік-шығыстан жел соғады, екпіні – 17-22 м/с.
