30 градусқа дейін аяз болады. Алдағы үш күнге арналған ауа райы болжамы

Ауа райы болжамы, сурет - Zakon.kz жаңалық 10.01.2022 12:25

Сурет: pixabay

Синоптиктер 11-13 қаңтарға арналған ауа райы болжамын ұсынды, деп хабарлайды Zakon.kz.

Болжам бойынша, солтүстік-батыс антициклоны елімізге аяз алып келеді.

Ойысып бара жатқан антициклонның лебі еліміздің солтүстік, орталық және шығыс аймақтарында әлі де сезіледі, -20 градусқа дейін аяз сақталады, кей жерлерде сынап бағаны -25°C, -30°C дейін төмендейді. 12 қаңтарда солтүстік және оңтүстік циклондар өзімен бірге қар мен боранды алып келіп, ауа температурасын уақытша арттырады, алайда 13 қаңтарда солтүстік-батыс антициклоны төбе көрсетіп, ол қайтадан аяз тудырады, сәйкесінше солтүстік-батыста, солтүстікте, шығыста, елдің орталығында -30 ° C дейін аяз болады деп болжанады."Қазгидромет" РМК

Синоптиктердің болжамынша, Қазақстанның оңтүстік, оңтүстік-шығыс аймақтарында оңтүстік циклонның әсерінен жауын-шашын (жаңбыр, қар) орын алады, тұман, көктайғақ болады, желдің күшейіп, сондай-ақ ауа температурасы +2 ...+10°C дейін біртіндеп көтеріледі деп күтіледі.

Оқи отырыңыз