Төтенше жағдай режимінде құжаттардың мерзімі аяқталса, не істеу керек

Төтенше жағдай кезінде жарамдылық мерзімі өткен кейбір құжаттар жарамды деп танылады. Бұл туралы ШҚО ПД Көші-қон қызметі басқармасы мәлімдеді, деп хабарлайды Zakon.kz

Ел аумағында «Төтенше жағдай енгізу туралы» Мемлекет басшысының Жарлығына байланысты төтенше жағдай кезінде жарамдылық мерзімі өткен келесі құжаттар жарамды деп танылады:

• Қазақстан Республикасы азаматының төлқұжаты және жеке куәлігі;

• Қазақстан Республикасындағы шетелдіктің тұру ықтиярхаты;

• Азаматтығы жоқ тұлға куәлігі;

• Босқын куәлігі;

• Пана іздеуші тұлғаның куәлігі;

• Қазақстан Республикасында уақытша тұруға рұқсатнама

• Визалар;

• Еңбек мигранттарына рұқсатнама.

Жоғарыда көрсетілген құжаттарды ауыстыру (ұзарту) әкімшілік жауапкершілікке тартпастан, төтенше жағдай аяқталғаннан кейін жүзеге асырылады.ШҚО ПД Көші-қон қызметі басқармасының бастығы Ербол Бекпаев

Қазақстан Республикасының азаматтары мен шетелдіктер аталған мәселе бойынша төтенше жағдай аяқталған соң 30 тәулік ішінде хабарласуға болады .