Қазақстанда былтыр 111 млн тонна көмір өндірілді

Еліміздің көмір өндіруші кәсіпорындары өткен жылы 111,7 млн тонна көмір өндірді. 2020 жылмен салыстырғанда өсім 2%-ды құрады, деп хабарлайды Zakon.kz

Энергия өндіруші кәсіпорындарға 59,3 млн тонна (2020 жылмен салыстырғанда +0,8%), өнеркәсіп кәсіпорындарына 6,8 млн тонна (+21,4%) жөнелтілді.

Коммуналдық-тұрмыстық қажеттіліктерге және халыққа 10,7 млн тонна тиелді. Бұл арғы жылдың көрсеткішімен салыстырғанда 0,9% көп.

ҚР ИИДМ жылу беру маусымы алдында жергілікті атқарушы органдардың деректері негізінде 2021-2022 жылдарға арнап коммуналдық-тұрмыстық қажеттіліктер мен тұрғындар үшін көмірге қажеттілік жоспарын құрды.