Алматының Түрксіб ауданында екі түн су болмайды

Сурет: Zakon.kz.

Алматының Түрксіб ауданындағы бірқатар ғимараттар екі түнге суық судан ажыратылады. Мұндай шектеулер жаңа су құбырын қосу үшін енгізіліп отыр, деп хабарлайды Zakon.kz

Түрксіб ауданындағы бірқатар үйлердің тұрғындары екі түн бойы суық сусыз қалады.

«Алматы су» МКК мәліметінше, 8 ақпан күні сағат 22:00-ден 9 ақпан күні сағат 06:00-ге дейін Великолукская - Жансүгіров - Сокольский - Палладин - Егоров көшелерінің контурында суық су болмайды.

Сонымен қатар, 9 ақпан күні сағат 22:00-ден 10 ақпан күні сағат 06:00-ге дейін Жансүгіров - Сокольский - Палладин - Запорожская көшелерінің бойында орналасқан тұрғын үйлер суық судан ажыратылады.