Қосшыда сот құрылып, судьялар тағайындалды

Мемлекет басшысы Қасым-Жомарт Тоқаев Ақмола облысының Қосшы қаласында сот құру жөнінде жарлыққа қол қойды, деп хабарлайды Zakon.kz

«Ақмола облысы Қосшы қаласының соты құрылсын», - делінген құжатта.

Қосшы сотының судьялары да тағайындалды:

Мерзадинова Динараны осы облыстың Целиноград аудандық сотының судьясы қызметінен босатумен; Халмурзаев Мұрат осы облыстың Бұланды аудандық сотының судьясы қызметінен босатылумен.

2021 жылдың 27 шілдесінде Нұр-Сұлтан қаласынан үш шақырым жерде орналасқан Қосшы ауылы облыстық маңызы бар қала атанып, Ақмола облысының Целиноград ауданының құрамынан шығарылды. Қосшы тұрғындарының саны бүгінде 50 мыңнан асады.