Синтетикалық қырыққабат: Қазнетте жаңа жалған видео таратылып жатыр

Синтетикалық азық, сурет - Zakon.kz жаңалық 11.02.2022 09:32

Сурет: Pixabay

Қазақстандықтар синтетикалық қырыққабат өндірісі туралы бейнероликті белсенді таратып жатыр. Хабарлама авторы мұндай өнімдердің Қазақстан нарығына әкелінетінін алға тартады, деп хабарлайды Zakon.kz

Сондай-ақ автор балалық шақтағы естеліктерімен бөліседі.

Үйдің бәрін жайлаған алманың иісі әлі есімде. Ал қазіргі алмаларда ондай иіс жоқ. Бұл барлық жемістер мен көкөністерге қатысты. Оларда химия көп. Бұл видеодан сіз қоспалармен жасалған жасанды қырыққабатты көресіз... Айтпақшы, жасанды ет де бар. Ех, табиғи өнімнен артық ештеңе жоқ, – дейді автор.

Stopfake.kz сайты бұл видеоның желіде 2016 жылы пайда болғанын атап өтеді.

Видео Жапонияда, Гудзе қаласында түсірілген. Дәл осы жерде ультра шынайы тағам үлгілерін жасау технологиясы дүниеге келді. Мұндай балауыз жасылдар мейрамханалардағы дүкен терезелерін безендіру үшін қолданылады.

Мамандар тараған ақпараттың жалған екенін айтады.

Оқи отырыңыз