Үкімет тауарлар мен қызметтердің бағасын төмендету бойынша шаралар қабылдайды
Сурет: Zakon.kz.
Ұлттық экономика министрлігі басшысының айтуынша, мүдделі мемлекеттік органдармен бірлесіп, инфляцияны бақылау және төмендету бойынша 2022-2024 жылдарға арналған шаралар кешені әзірленген. Жоспар өндіріс көлемін ұлғайту, сақтау және логистика, бөлшек сауда, бағаларды бақылау, монополияға қарсы және сыртқы сауданы реттеуге бағытталған 61 жедел және орта мерзімді шаралардан тұрады.
Инфляцияны бақылау және төмендету бойынша шаралар кешенін іске асыру мақсаты 2022 жылы инфляцияны 4-6 пайыздық дәлізде ұстап тұру және 2025 жылға қарай оны 3-4 пайызға дейін төмендету болып табылады. Бұл шаралардың ішінде азық-түлік қауіпсіздігін қамтамасыз ету, тұрақтандыру қорларының жүктемесін қамтамасыз ету, әлеуметтік маңызы бар азық-түлік тауарларын сатушылардың жалға алу ақысын төмендету, азық-түлік, жанар-жағармай, көмір, электр энергиясы, дәрі-дәрмек бағасының өсуін тежеу шаралары бар. Ұлттық экономика министрі Әлібек Қуантиров
Сонымен қатар, жанар-жағармай нарығындағы өнімсіз делдалдардың санын азайту көзделуде.
Ал халықтың әлеуметтік осал топтарын қолдау мақсатында коммуналдық төлемдерді төлеу кезінде оларды бөлек топқа бөлу тәжірибесі енгізіледі.
Еске салайық, 8 ақпанда үкіметтің кеңейтілген отырысында мемлекет басшысы сауда саласында, атап айтқанда, Алматының «Алтын-Орда» базарында тәртіп орнатуды тапсырған болатын.
