Қазақстандықтар мінген тағы бір автобус Киевтен Катовицеге жолға шықты

24 Қазақстан азаматы бар тағы бір автобус Киевтен Катовицеге жол тартты, деп хабарлайды Zakon.kz.

Бұл туралы Қазақстанның Украинадағы елшілігі хабарлады.

4 наурызда Қазақстан Республикасының 24 азаматы бар тағы бір автобус Қазақстанның Киевтегі Елшілігінен Катовицеге (Польша) жол тартты, – деп жазды елшіліктегілер.

Еске салайық, 4 наурыз күні сағат 02:54-те Нұр-Сұлтан әуежайына Украинадан эвакуацияланған қазақстандықтар мінген (131 жолаушы, оның 20-сы балалар) үшінші ұшақ қонды.