5-7 наурыз күндері Алматы жолдарында көлік қозғалысы шектеледі

Сурет: Zakon.kz

Алматыда кәріз желілерін шаю және тазалау басталды. Осыған байланысты Медеу ауданындағы Шевченко және Құрманғазы көшелерінде көлік қозғалысы қиындайды, деп хабарлайды Zakon.kz.

5-7 наурыз аралығында Медеу ауданының кәріз желілерін шаю және тазалау жұмысы жүргізіледі. Бұл күндері Достық даңғылынан Сейфуллин көшесіне дейін Шевченко және Құрманғазы көшелерінде көлік қозғалысы қиындайды.«Алматы су» мемлекеттік коммуналдық кәсіпорны

Жұмыс арнайы техника арқылы жүргізіледі.

Мұндай шаралар ағынды суларды ағызып жіберу үшін қажет. Жыл сайын қалада 1000 шақырымнан астам кәріз желілері мен 70 000 кәріз құдықтары шайылып, тазартылады.«Алматы су» мемлекеттік коммуналдық кәсіпорны

Коммуналдық кәсіпорын азаматтардан уақытша қолайсыздықтарға түсіністікпен қарауды және бағыттарды дәл осы көшелер бойынша алдын ала реттеуді сұрады.

Оқи отырыңыз