Екатеринбург – Алматы тас жолында көлік қозғалысына шектеу қойылды

Ауа райының қолайсыздығына байланысты Екатеринбург – Алматы республикалық тас жолында көлік қозғалысы жабылды. Бұл туралы Ақмола облысының төтенше жағдайлар департаменті мәлімдеді, деп хабарлайды Zakon.kz.

Облыстық төтенше жағдайлар департаментінің хабарлауынша, 7 наурыз күні сағат 14:20-дан бастап республикалық маңызы бар Екатеринбург – Алматы (1126-1247 км: Астраханка ауылы – Нұр-Сұлтан қаласы) тас жолының белгілі бір бөлігінде көлік қозғалысы жабылды.

Оның себебі – ауа райының нашарлауы (қарлы боран, көру мүмкіндігінің шектелуі).

Бұған дейін синоптиктер 8-10 наурызға арналған ауа райы болжамын ұсынған болатын, соған сәйкес Қазақстанның солтүстігінде 25 градус аяз, ал оңтүстікте 20 градус ыстық болады деп күтілуде.