Алматы-Ташкент-Термез тас жолында көлік қозғалысына шектеу қойылды

Ауа райының қолайсыздығына байланысты Алматы-Ташкент-Термез тас жолының учаскесінде көлік қозғалысы жабылды, деп хабарлайды Zakon.kz.

"31 қаңтар сағат 18.00-дегі ахуалға сәйкес ауа райының қолайсыздығына байланысты Жамбыл облысының "Алматы-Ташкент-Термез" республикалық маңызы бар автожолының 159-238 км, Кенен ауылынан Қайнар ауылына дейінгі аралықта көліктің барлық түрі үшін жол қозғалысына шектеу енгізілді", - делінген ҚазАвтоЖол хабарламасында.

Қазір республикалық маңызы бар автожолдарды қысқы күтіп-ұстауға 699 бірлік техника және 1419 жолшы жұмылды.