Қазақстанда валюта айырбастау пунктері уақытша қолма-қол ақша беруді шектемек

Сурет: Zakon.kz

Қазақстанға басқа елдерден қолма-қол шетел валютасын жеткізу қиындай түсті. Осыған байланысты Қазақстан қаржыгерлер қауымдастығы халыққа үндеу жолдады, деп хабарлайды Zakon.kz.

Қазақстанда қолма-қол шетел валютасын сатып алуға сұраныс артты. Шиеленіскен халықаралық саяси жағдайға байланысты елімізге басқа елдерден қолма-қол шетел валютасын жеткізу қиындады. Сондықтан валюта айырбастау пункттері уақытша қолма-қол ақша беруді шектейді. Қазақстан қаржыгерлері қауымдастығының баспасөз қызметі

Қауымдастық өкілі мұның қолма-қол валютаға қатысты екенін атап өтті.

Қолма-қол ақшасыз валюта сіздің шоттарыңызда сақталады, оны сіз онлайн-банкинг арқылы көріп тексере аласыз.

Баспасөз қызметінің мәлімдеуінше, бұл мәселе қолма-қол валютаны жеткізудің қиындауынан туып отыр.

Қазақстан қаржыгерлер қауымдастығы Қазақстанға қолма-қол валютаны тұрақты жеткізуді қамтамасыз ету үшін Ұлттық Банкпен бірге шаралар қолданатынын хабарлады.

Оқи отырыңыз