Синоптиктер 16 наурызда Қазақстанда ауа райы қандай болатынын айтты
![күн суытады, қар жауады, сурет - Zakon.kz жаңалық 15.03.2022 16:11](https://kaz.zakon.kz/pbi/WEBP/2023-12-20/file-6cc5cfb5-db7e-4993-b092-91c5c0057a00/800x451.webp)
Республиканың солтүстік жартысында – қар, оңтүстік жартысында – жаңбыр, оңтүстіктің таулы аймақтарында, оңтүстік-шығыста – қатты жаңбыр, қар жауады. Сондай-ақ Қазақстанда жел күшейеді, тұман, көктайғақ, бұрқасын күтіледі. Республиканың оңтүстігінде – найзағай ойнайды. «Қазгидромет» РМК
Түркістан облысының таулы, тау бөктеріндегі аймақтарында тұман күтіледі, күндіз найзағай ойнайды, батыста және таулы аймақтарда жел 15-20 м/с күшейеді.
Солтүстікте, Алматы, Жамбыл облыстарының таулы аймақтарында, оңтүстік-батыста, солтүстік-шығыста, Жамбылдың таулы аймақтарында тұман күтіледі – жел 15-20, кей жерлерде 23 м/с күшейеді.
Ақтөбенің солтүстігінде, батысында, Қостанай облыстарының оңтүстігінде жел күшейіп, боран соғады, Қостанай облысының шығысында, оңтүстік-шығысында тұман түседі.
Батыс Қазақстан облысының оңтүстігінде тұман күтіледі, күндіз солтүстікте – бұрқасын, көктайғақ, облыстың солтүстігінде, солтүстік-шығысында – жел 15-20 м/с күшейеді.
Атырау облысының солтүстік-шығысында бұрқасын, қара көктайғақ, жел 15-20 м/с күшейеді.
Қызылорда облысының орталығында тұман күтіледі, күндіз жел 15-20 м/с күшейеді, күндіз облыс орталығында және оңтүстігінде көктайғақ болады.
Ақмоланың оңтүстігінде, солтүстік-батысында, Солтүстік Қазақстан облыстарының оңтүстік-батысында тұман күтіледі.
Шығыс Қазақстан облысында жолдарда бұрқасын, түнде солтүстік пен шығыста тұман күтіледі.
Маңғыстау облысында көктайғақ, тұман күтіледі.