Алматыда заңсыз салынып жатқан 12 қабатты тұрғын үй кешені сүріледі
Сурет: Алматы әкімдігінің баспасөз қызметі
Алматыда сот заңсыз салынып жатқан тұрғын үй кешенін бұзу туралы шешім шығарды, деп хабарлайды Zakon.kz.
Алматы қалалық сотының 2022 жылғы 18 наурыздағы қаулысымен Алматы қаласы әкімдігінің талап арызын қанағаттандыру және Шұғыла шағын ауданы, Байтелі батыр к-сі, 24 мекенжайы бойынша заңсыз салынып жатқан 12 қабатты көппәтерлі үйді бұзу туралы шешім қабылданды. «АРТ-ТЕХНОСС» ЖШС-мен сот ісі өткен жылдың маусым айынан бері жалғасып келеді.
Бұған дейін қала құрылысын бақылау басқармасы азаматтардың өтініштері негізінде тексеру жүргізген болатын. Сәулет, қала құрылысы және құрылыс қызметі саласында бірқатар бұзушылықтар анықталды, әкімшілік хаттамалар жасалды.
Одан кейін Алматы қаласының мамандандырылған ауданаралық экономикалық сотына «АРТ-ТЕХНОСС» ЖШС-не заңсыз салынып жатқан объектіні бұзу туралы талап арыз берілді.
Соттың 2021 жылғы 9 желтоқсандағы шешімімен талап арызды қанағаттандырудан бас тартылды. Осыдан кейін Алматы қалалық сотына апелляциялық шағым берілді, 2022 жылғы 18 Наурызда талап қанағаттандырылды. Алматы әкімдігінің баспасөз қызметі
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
