Қазақстан ауаның ластануы бойынша әлемдік рейтингте 23-орында тұр
Сурет: Zakon.kz
IQAir швейцариялық мониторинг тобы ауаның ластану деңгейі бойынша мемлекеттер рейтингін ұсынды.
Қазақстан ауасы лас елдер рейтингінде 23-ші орында, ал кір астаналар бойынша Нұр-Сұлтан 35-ші орында тұр.
Орталық Азия елдері арасында рейтингіде Тәжікстан, Қырғызстан және Өзбекстаннан Қазақстан төмен орналасқан.
Әлем елдерінің ішінде ең лас мемлекет ретінде Бангладеш Халық Республикасы аталады. Екінші орында – Чад, одан кейін Пәкістан тұр.
Ал ең таза ауа - Жаңа Каледония аралында, Виргин аралдары екінші орында тұр, Пуэрто-Рикода - үшінші орында. Бұл өңірлердің астаналары да ауа тазалығы бойынша бірінші қатарға шығады.
Рейтингте әлемдегі ең ірі қалалардың ішінде Бейжің 16-орын, Париж – 68-орын, Берлин – 72-орын, Мәскеу – 73-орын, Рим – 77-орын, Лондон – 82-орын, Вашингтон – 86-орын, Токио – 87-орында.
Баяндама авторлары 2021 жылы Орталық және Оңтүстік Азиядағы ауа сапасы әлемдегі ең нашары болғанын атап өтті.
БҰҰ Қоршаған ортаны қорғау бағдарламасына сәйкес, әлемдегі ауа сапасына байланысты орын алған өлім-жітімнің 70%-ы осы аймаққа тиесілі.
Өңірдегі екі қала ғана орташа жылдық концентрациясы 5 мкг/ш.м. ауа сапасы бойынша ДДҰ ұсынымдарына сәйкес келді. Олар - Шу мен Жезқазған қалалары.
