Өскеменде пәтерлердің бірінен табылған жылан улы болып шықты

Өскемен, жылан, улы, улы жылан, сурет - Zakon.kz жаңалық 30.03.2022 12:15

Сурет: Instagram/buronahodokvko_

29 наурызда Өскемен қаласындағы Шәкәрім даңғылында орналасқан көпқабатты үйдің тұрғыны пәтерінен жылан тауып алды. Маман оның улы жыланға жататынын айтты, деп хабарлайды Zakon.kz.

yk-news.kz сайтының жазуынша, жылан көрші подъезде тұратын иесінен «қашып кеткен».

Пәтерде жылан барын мысықтың арқасында білдік. Әрине қорқып кеттік! Мен баламды алып, анамның үйіне кетіп қалдым, ал күйеуім жыланды ұстау үшін үйде қалды. Кейін иесі келіп, кешірім сұрап, жыланын алып кетті. Өскемен қаласының тұрғыны Анастасия

Жыланның көрші подъездегі пәтерге қалай тап болғаны белгісіз. Мамандар оның улы жылан екенін анықтады.

Бұл кәдімгі жылан, ол – улы.С.Аманжолов атындағы ШҚУ профессоры Константин Прокопов

Еске салсақ, ҚР Экология, геология және табиғи ресурстар министрлігі тұрғын үйлерде ұстауға тыйым салынған жануарлардың тізімін бекітті. Бұл тізімде жылан да бар.

Оқи отырыңыз