Доллардың бағамы бес теңгеге төмендеді

Қазақстан қор биржасы (KASE) 17:00-дегі жағдай бойынша доллардың орташа сараланған бағамы бір тәулікте 4,84 теңгеге төмендеп, 458,02 теңгені құрады, деп хабарлайды Zakon.kz.

Сауда көлемі 78,36 миллион долларды құрады.

Күндізгі саудада доллар бағамы 458,87 теңге болды.

Ресей рублінің орташа сараланған бағамы 5,93 теңге (+0,33), сауда көлемі 1,032 миллиард рубль болды.

Аукциондағы қытай юанінің бағамы 72,17 теңге (-0,70), сауда көлемі 44,1 миллион юань болды.

Ақша айырбастау орындарында доллар 457-462,5 теңге, еуро 500-507 теңге, ресей рублі 5,4-5,9 теңге аралығында сатылуда.