Алматы тауында қар көшкіні болды: екі адамды іздестіріп жатыр

13 сәуірде Молодёжный шыңы аймағына қар көшкіні түсті. Қар көшкіні астында екі адам қалған деген болжам бар, деп хабарлайды Zakon.kz.

13 сәуір күні сағат 13:28-де Құтқару қызметінің жедел кезекшісінен Молодежный шыңы ауданында қар көшкіні түскені туралы хабарлама түсті. Болжам бойынша, қар көшкіні астында екі адам қалған.Алматы Төтенше жағдайлар департаменті

Алматы тауларындағы іздестіру-құтқару жұмысына «Тұйықсу» КҚҚ, «Құтқару қызметі», Төтенше жағдайлар министрлігінің Құтқару қызметі, «Казселезащита» ММ құтқарушылары қатысып жатыр. Барлығы – 26 адам және екі кинологиялық бригада.