Нөсер жауын Жамбыл облысының тұрғындарын әбігерге салды
Сурет: ҚР Төтенше жағдайлар министрлігі
Алдымен жауын суы Өрнек ауылының халқын әбігерге салды. Бұқараның бірлігінің арқасында тасқынға тойтарыс берілді, деп жазды ktk.kz.
Түн жарымда ұйқыдан тұрған халық кетпен-күрек алып, тіпті кейбірі ауыр техникаға отырып суды бөгеп әуреге түсті. Таудан өзек қуалай келген топан су арнасынан тасып, үйлерге қауіп төндірген.
Соңғы дерекке сүйенсек, екі ауылға тиесілі бес көпірді су шайып тас-талқанын шығарған. Көлік қатынасы қиындап, жұрт айналма жолмен жүруге мәжбүр болды.
Әкімдік қазір лай су тартылып, жағдай тұрақталғанын мәлімдеді. , Т.Рысқұлов ауданы әкімінің орынбасары Ерғазы Еспеновтің айтуынша, Сәлімбай ауылындағы көпір қалпына келтірілген.Қазір Өрнек ауылындағы көпір қалпына келтіріліп жатыр. Жарлысу ауылында бір үйдің, Көкдөненде бір үйдің ауласына, Ақыртөбе аулында төрт үйдің ауласына су кірген.
Үйлерге зақым келген жоқ. Мал, адам шығыны болған жоқ.
