Есірткі сақтаған шымкенттік ер адам үш жылға сотталды

есірткі, қамауға алынды, сурет - Zakon.kz жаңалық 21.04.2022 17:39

Сурет: polisia.kz

Шымкент қаласы Полиция департаменті Есірткі қылмысына қарсы іс-қимыл басқармасының қызметкерлері жедел-іздестіру іс-шараларын жүргізу барысында 33 жастағы тұрғынды ұстады, деп хабарлайды Zakon.kz.

Тексеру барысында күртешесінің қалтасынан есірткіге ұқсас, өзіне тән иісі бар бес полиэтилен пакетіне оралған өсімдік табылып, айғақты зат ретінде тәркіленді.

Бұдан өзге, 20 полиэтилен пакетіне оралған өсімдікті жасырған жерінен алмақшы болғаны анықталды.

Дәлелдеме ретінде сотқа есірткіні жасыру орындары көрсетілген геобелгілері бар ұялы телефондар ұсынылды.

Ұсталған азамат өз кінәсін толық мойындады. Ол есірткі заттарын Telegram мобильді қосымшасы арқылы сатып алып, жеке пайдалану үшін сақтағанын айтқан.

Аталған дерек бойынша ер адамға қатысты Қазақстан Республикасы Қылмыстық кодексінің 296-бабы 4-бөлігімен (Есірткі заттарын аса ірі мөлшерде заңсыз сақтау) үш жылға бас бостандығынан айыру туралы үкім шығарылды.

Оқи отырыңыз