Ақтау әуежайы ұшақтардың ұшу уақытын өзгертті

Ақтау халықаралық әуежайында ұшу-қону жолағы жөндеуге жатуына байланысты рейстер кейінге қалдырылады немесе ұшу тоқтатылады, деп хабарлайды Zakon.kz.

Маңғыстау облысының қоғамдық коммуникациялар орталығының ақпараты бойынша, 3 мамырдан 5 шілдеге дейін ұшу-қону жолағына ағымдағы жөндеу жұмыстарының жүргізілуі және техникалық қызмет көрсету жоспарланған.

Жөндеу жұмыстары дүйсенбі, сейсенбі және сәрсенбі күндері жергілікті уақыт бойынша сағат 09:00-ден 20:00-ге дейін жүргізіледі.

Lada.kz бұл күндергі рейстерді Ақтау әуежайының әуеайлағы сағат 20:00-ден 09:00-ге дейін қабылдайды. Аптаның қалған күндері рейстер штаттық режимде орындалады.

Әуе компаниясы жолаушылардан аталған күндерге қатысты рейстердің ұшу уақытын [phone] телефоны бойынша нақтылауды сұрайды.