Қытайда көпқабатты үй құлап, 53 адам қаза тапты

Қытайдың Чанша қаласында көпқабатты үйдің құлауынан қаза тапқан адамдардың саны 53-ке жетті, деп хабарлайды Zakon.kz.

«Хабар 24» телеарнасының мәліметінше, құтқарушылар жоғалған тұрғындардың бәрін тауып, оқиға орнында іздестіру-құтқару жұмыстары тоқтатылды.

Еске сала кетейік, өткен жұма күні Қытайдың Чанша қаласында 6 қабатты үй опырылып құлаған еді.

Бірнеше күнге созылған іздестіру-құтқару шаралары барысында 10 адам аман-есен шығарылды.

Алдын ала тергеуге қарағанда үй заңсыз салынып, қауіпсіздік құжаттары алаяқтық жолмен бекітілген.

Оқиғаға қатысты 9 адам қамауға алынған.