Нұр-Сұлтанда кішкентай қызды құтқарған азамат марапатталды

ҚР Төтенше жағдайлар министрлігі терезеден құлай жаздаған 3 жасар қызды аман алып қалған азаматты марапаттады, деп хабарлайды Zakon.kz.

Төтенше жағдайлар министрлігінде бірінші вице-министр Ибрагим Күлшімбаев батыр – азамат Сәбит Шонтақбаевты «Төтенше жағдайдағы ерлігі үшін» төсбелгісімен марапаттады. Ол елордада терезеден құлаған баланы аман алып қалды.ҚР Төтенше жағдайлар министрлігінің баспасөз қызметі

Бұған дейін Қазнетте сегізінші қабаттың терезесіне асылып қалған баланы құтқару сәті түсірілген видео пайда болғаны хабарланған еді. Үш жасар қызды төменгі қабатта тұратын көршісі Сәбит Шонтақбаев аман алып қалды.

Кейін Нұр-Сұлтан Полиция департаменті ерліктің жай-жапсарын айтып берді.