Алматыда жоғалған 10 жасар бала табылды

Алматы, бала, жоғалған бала, іздеу, сурет - Zakon.kz жаңалық 13.05.2022 11:59

Сурет: pixabay

Алматыда жоғалып кеткен он жасар бала аман-есен табылды. Оны іздеуге полиция қызметкерлері, еріктілер, Ұлттық ұлан және жергілікті тұрғындар жұмылдырылды, деп хабарлайды Zakon.kz.

Геннадий Рагутmко 10 мамырда үйінен шығып кетіп, оралмаған. 11 мамыр күні оған іздеу салынды.

Полиция қызметкерлерінің хабарлауынша, жедел бөлімше, ювеналды полиция және сыртқы қызмет қызметкерлерінен арнайы іздестіру тобы құрылған.

Бала бұған дейін де үйінен кетіп қалып, қайта оралып жүрген. Алматы полиция департаментінің баспасөз қызметі

Instagram желісіндегі @kogam_almaty парақшасында Геннадийдің қайда екені туралы ондаған нұсқа пысықталып, бірнеше бағытта ондаған шақырым жол жүрілгені жазылды.

Біз бірнеше ұқсас баланы көрдік, өкінішке қарай, олар жай ғана ұқсас болып шықты. Бірақ содан кейін телефонға хабарлама келді – баланы еріктілер тауып алды. Іздестіру топтары, еріктілер, Ұлттық ұлан және Түрксіб ауданы полиция басқармасының қызметкерлері қоян қолтық жұмыс істеді. Іздеу аяқталды, – делінген хабарламада.

Оқи отырыңыз