Әйгілі мысық «Әлемнің үздік блогері» атанды

Харьковтық мысық Степан Каннда жүлде алды. Ол World Influencers and Blogger Awards марапатына ие болды. Бұл марапат әлемдегі ең үздік блогерлерге беріледі, деп хабарлайды Zakon.kz.

Степан әлеуметтік желілерде үстелде отырған немесе «қайғылы коктейль кештерінде» уақыт өткізіп отырған видеоларының арқасында танымал болды. Парақшасынан Степанның күнделікті тіршілігін, саяхаттардан әдемі фотоларын көруге болады.

Харьковтық 13 жастағы мысықты Instagram және TikTok желілерінде 1,5 миллионға жуық адам көреді. Степанның жанкүйерлері арасында Бритни Спирс та бар.

Посмотреть эту публикацию в Instagram

Публикация от Степан (@loveyoustepan)

Баршаңызға рақмет! Мен өте-өте бақыттымын! – деп жазылған Степанның парақшасында.

Степан атаққа ие болғаннан кейін онымен жарнама берушілер жұмыс істей бастады. Мысалы, Valentino сән үйі құйрықты блогерге сөмке жарнамасына тапсырыс берді.