Қазақстанда шетелдіктерге ЖСН-ді онлайн беру уақытша тоқтатылды

Сурет: Zakon.kz

E-gov порталында бұл қызмет түрі тек қазанның бірінде іске қосылады. Ішкі істер министрлігі бұны техникалық себептермен байланыстырады, деп хабарлайды Zakon.kz.

Енді бұл құжатты офлайн режимде халыққа қызмет көрсету орталықтарына келіп рәсімдеуге болады. Жеке сәйкестендіру нөмірі өзге ел азаматтарына мемлекеттік органдарға жүгініп, банк шоттарын ашу үшін керек, деп хабарлайды Astana.tv.

Айта кетейік, жыл басынан бері Қазақстаннан 90 100 шетел азаматы ЖСН алған. Оның 36 мыңға жуығы - ресейлік. Бұл өткен жылғы осы уақыттағы көрсеткіштен 16 есе көп.

2022 жылдың наурызынан бастап қазіргі уақытқа дейін қазақстандық ЖСН алған Ресей азаматтарының саны – 35 782 (2021 жылдың ұқсас кезеңінде – 2 230);
2022 жылғы наурыздан бастап қазіргі уақытқа дейін қазақстандық ЖСН алған Украина азаматтарының саны – 637 (2021 жылғы ұқсас кезеңде – 213).

Оқи отырыңыз