Ақтаулық блогер Каспийдің қаншалықты тартылып кеткенін көрсетті

Нүркен Тәжібай квадрокоптердің көмегімен Сарытас шығанағын биіктен видеоға түсірді, деп хабарлайды Zakon.kz.

Ақтаулық блогердің айтуынша, бұл видео 29 мамырда түсірілген.

Каспий теңізі ғарыштан қаншалықты зор көрінгенімен, оның жердегі күйі мүшкіл, делінген видео сипаттамасында.

Бұған дейін ресейлік ғарышкер-сынаушы Олег Артемьев өзінің YouTube арнасында ғарыштан түсірілген видеоны жариялаған болатын. Онда Маңғыстау облысы мен Каспий теңізі бейнеленген.