Алматы тауларында нөсер жауып, арты қарға ұласады – синоптиктер

Сурет: Zakon.kz

Алматы қаласының Төтенше жағдайлар департаменті таулы аймақтарда ауа райының күрт нашарлайтынын ескертті, деп хабарлайды Zakon.kz.

Ведомство туристер мен тауда серуендеуді ұнататындардан қазірше тауға шықпай тұра тұруды сұрады.

2 маусымда Алматының тауларында желдің екпіні секундына 15-20 метрге жетеді. 3 маусымда нөсер, биік таулы аймақтарда қар күтіледі. Кей жерлерде найзағай ойнап, бұршақ жауады, дауыл тұрады. Жел солтүстік-батыстан солтүстік-шығысқа ауысады. Желдің екпіні секундына 23-28 метрге жетеді. Алматы қаласы төтенше жағдайлар департаментінің баспасөз қызметі

Құтқарушылар «112» сигналдарына, дабылдарға және бұқаралық ақпарат құралдарынан, теледидардан, радиодан тарайтын хабарламаларға құлақ асуға кеңес берді.

Оқи отырыңыз