Сайлаушылардың 77,18 пайызы Конституцияға өзгеріс енгізуді қолдап дауыс берді – ОСК

Орталық референдум комиссиясының төрағасы Нұрлан Әбдіров брифингте ҚР Конституциясына өзгерістер мен толықтырулар енгізу жөніндегі республикалық референдумның алдын ала нәтижелерін жариялады, деп хабарлайды Zakon.kz.

Мәселелердің оң шешілуіне дауыс берген азаматтардың саны 77,18 пайыз, яғни 6 миллион 163 мың 863 адам болды.Референдум өткізу жөніндегі орталық комиссияның төрағасы Нұрлан Әбдіров

Сайлаушылардың 18,66 пайызы қарсы дауыс берді. Дауыс берушілердің 68,06 пайызы қатысты.

Еске салайық, 5 маусымда Қазақстанда ел Конституциясына өзгерістер мен толықтырулар енгізу бойынша республикалық референдум өткен болатын. Дауыс беру сағат 07:00-ден 20:00-ге дейін жалғасты.

Жалпы референдумда 11,7 миллионнан астам азамат дауыс бере алды.