400 миллиард теңгедей артық салық жиналды
Сурет: Zakon.kz
ҚР ҚМ Мемлекеттік кірістер комитеті таратқан мәлімет бойынша, өткен жылғы осы кезеңмен салыстырғанда салықтық түсімдер 1,5 есеге немесе 2 145,3 млрд теңгеге көп түскен.
Оның ішінде:
Республикалық бюджет 100,3% орындалды (жоспар бойынша 4 273,5 млрд.теңге, 10,8 млрд. теңгеге асыра орындалып, 4 284,3 млрд. теңге түсті), өткен жылғы сәйкес кезеңмен салыстырғанда 1,6 есе немесе 1 686,9 млрд. теңгеге өсті.
Жергілікті бюджет 123,9% орындалды (жоспар бойынша 1 620,7 млрд.теңге, 388,1 млрд. теңгеге асыра орындалып, 2 008,8 млрд. теңге түсті) 2021 жылғы сәйкес кезеңмен салыстырғанда 29,6% немесе 458,4 млрд. теңгеге өсті.
Комитеттегілердің мәлімдеуінше, түсімдердің өсуіне бірқатар фактор әсер етті.
2022 жылы 5 айда өткен жылғы ұқсас кезеңмен салыстырғанда негізгі экспорттық позицияларға, оның ішінде мұнайға 65,1%, алюминийге 44,0%, мырышқа 37,9%, қорғасынға 12,6%, мысқа 10,1% және алтын 4,4% бағаның өсуі байқалады. Шикі мұнайға салынатын кедендік әкету бажының мөлшерлемесі 56,4%-ға өсті (1 тонна үшін орташа мөлшерлемесі 2021 жылғы қаңтар-мамыр айында – 55,0$, 2022 жылғы қаңтар-мамыр айында 1 тонна үшін – 86,0$).
Бес айда үшінші елдермен тауар айналымы 53,6%-ға өсті (экспорт 68,9%-ға, импорт 19,9%-ға өсті).
Өткен жылғы ұқсас кезеңімен салыстырғанда 2022 жылғы 5 айда өткізу бойынша айналым 20,2%-ға ұлғайды (40 604 млрд. теңгеден 48 809 млрд. теңгеге дейін).
