Мемлекеттік сатып алу кезінде комиссияның құрамы туралы мәліметтер жасырылады
Сурет: Zakon.kz
Атап айтқанда, мемлекеттік сатып алу рәсімдерін өткізу кезінде сыбайлас жемқорлық тәуекелдерін барынша азайту мақсатында веб-порталда конкурс комиссиясының құрамы туралы мәліметтерді тендер және аукцион әдісімен рәсім аяқталғанға дейін әлеуетті өнім берушілерден жасыру ұсынылады.
Қазір тендерлік комиссияның құрамы туралы мәліметтер сатып алу жарияланған сәттен бастап қолжетімді. Салдарынан мемлекеттік сатып алудың нәтижесіне әсер етуі мүмкін әлеуетті өнім берушілермен ынтымақтастық қаупі туындайды.
Сонымен қатар жобалық-сметалық құжаттаманы әзірлеуге арналған үлгілік мемлекеттік сатып алу туралы шартта жобалаушының/орындаушының міндеттемелерін бес жұмыс күнінде мүліктік (айрықша) құқықтарды беру туралы авторлық шартқа қол қою міндетімен кешенді ведомстволық емес сараптаманың оң қорытындысын шығарғаннан кейін толықтыру көзделген.
Бұл мемлекеттік бюджеттен қаржыландырылатын жобаларға, жоба алдындағы және жобалық құжаттаманы таратуға және қайта пайдалануға құқықты тапсырыс берушіге беру мақсатында жүзеге асырылады.
Құжат 28 маусымға дейін қоғамдық талқылау үшін Ашық НҚА веб-сайтына жарияланған.
