Ұлттық қордың шығындары түсімдерден 200 миллиард теңгеге асып түсті - Есеп комитетінің басшысы

Сурет: Zakon.kz

ҚР Парламенті палаталарының бірлескен отырысында Есеп комитетінің төрайымы Наталья Годунова 2021 жылы Ұлттық қордан 4,5 триллион теңге жұмсалғанын, ал кірістер 4,3 трлн теңгені құрағанын айтты, деп хабарлайды Zakon.kz.

Наталья Годунова Ұлттық қор болашақ ұрпақ үшін жинақтарды қалыптастыру арқылы қаржылық ресурстарды үнемдеу мақсатында құрылғанын еске салды. Тағы бір мақсат – әлемдік тауар нарықтарындағы жағдайға бюджеттің тәуелділігін азайту.

Бірақ, оның айтуынша, 2015 жылдан бастап Ұлттық қор тұтынудың белсенді фазасында.

Біз 2019-2020 жылдарды айтып отырған жоқпыз. Шынында да, COVID-19 пандемиясына байланысты дағдарысқа қарсы шараларды қаржыландыру қажет болды. Алайда 2021 жылы жағдай айтарлықтай жақсарды. Мемлекет басшысының республикалық бюджет Ұлттық қордың жұмсалуына негізделмеуі керек деген тапсырмасына қарамастан, 2021 жылы 4,5 триллион теңге игерілсе, кіріс 4,3 триллион теңгені құрады. Наталья Годунова

Заңнамаға сәйкес, Есеп комитетінің басшысы атап өткендей, «трансферттерді бөлу тек тұжырымдамада көзделген бағыттар бойынша қарастырылып, 30 пайыздық ең төменгі қалдық қол сұғылмауы тиіс».

Оқи отырыңыз