Тегін спорт секциялары жабыла ма – Абаев жауап берді

Қазір бұл бағдарламаны қаржыландыру мәселесі күйіп тұр. Өкінішке қарай қазіргі уақытта жұмыс істеп тұрған нысанда толық қамтамасыз ету үшін қаражат жоқ екенін мойындау керек. Дегенмен расталған ваучерлер үшін барлық қаражат табылатынын айтқымыз келеді. Қазір 15 мыңнан астам үйірмелер мен секцияларға 495 мың адам қатысып жатыр. Бұған 32 миллиард теңгеден астам қаржы бөлінді. Қазақстан Республикасының Мәдениет және спорт министрі Дәурен Абаев

Оның айтуынша, жыл соңына дейін қосымша 97 млрд қажет.

Біз ешқандай жауапкершіліктен қашпаймыз. Біріншіден, бағдарлама жабылады деген әңгіменің еш негізі жоқ. Сонымен қатар қазіргі уақытта барлық бекітілген және расталған ваучерлерге қаржы төленетінін атап өткім келеді. Бұған өңірлер қажетті қаражат бөледі. Мәселен, Алматы әкімдігі 4 миллиард теңгеден астам қаржы тауып қойды. Дәурен Абаев

Бұл ретте ол бағдарламаны қаржыландыру неліктен көбейіп жатқанын түсіндірді.

Қазақстанда балалар саны артып келеді. Әрбір бала ойнағысы келеді. Елімізде 4,5 миллион баламыз бар, былтыр 450 мың бала дүниеге келді. 5-6 жылдан кейін олар үйірмелерге барады. Ал бұл жалпы алғанда 32 миллиард теңгені қажет етеді, 5-6 жылдан кейін бұл сома 100 миллиард теңгеден асады. Дәурен Абаев

Министрлік басшысы ArtSport бұқаралық спортты дамытудың жалғыз тетігі емес екенін тілге тиек етті. Бұл ретте ол спорттық-сауықтыру орталықтары ашылып, баскетбол, волейбол, футзал, қазақ күресі, үстел теннисі сияқты спорт түрлерінен ұлттық мектептер мен студенттік лигалар ұйымдастырылғанын атап өтті.

Білім беру жүйесінің барлық деңгейлерінде дене шынықтыру мұғалімдеріне мектептен тыс жұмыстарға қосымша ақы төлеу енгізілді.

Егер жалпылама қарастырар болсақ, онда балалардың 73%-ы қосымша спорт секцияларымен және үйірмелерімен қамтылды. Жан басына шаққандағы қаржыландыру жүйесі мен білім беру ұйымдарындағы секциялардан бөлек, жасөспірімдер спорт мектебінде тағы 386 мың бала білім алып жатыр. Дәурен Абаев

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023