Бұрқасын, тұман, жаңбыр: 9 шілдеге арналған ауа райы болжамы

тұман, жаңбыр, сурет - Zakon.kz жаңалық 08.07.2022 17:08

Сурет: pixabay

Синоптиктер 9 шілде күні Қазақстанда қандай ауа райы болатынын болжады. Еліміздің басым бөлігінде жаңбыр жауады, деп хабарлайды Zakon.kz.

Күн күркіреп, бұршақ жаууы мүмкін. Жел күшейеді. Республиканың шығысында бұрқасын, солтүстік-батыста, солтүстікте, орталықта түнде және таңертең тұман болады. Ал Қазақстанның батыс және оңтүстік облыстарында батыс антициклонының ауысуы әсерінен жауын-шашынсыз ауа райы сақталады.«Қазгидромет» РМК

Батыста, Қызылорданың шығысында, Абайдың шығысында, солтүстікте Түркістанның шөлді аймақтарында, Қарағандының оңтүстік-шығысында, Жамбылдың оңтүстігінде, Алматы облысының батысында төтенше өрт қаупі сақталады.

Нұр-Сұлтанда көшпелі бұлт шығады, кей жерлерде жаңбыр жауады, найзағай ойнайды. Түнде және таңертең тұман. Солтүстік-шығыстан 9-14 м/с жел соғады. Ауа температурасы түнде +13...+15°С, күндіз +25...+27°С.

Алматыда көшпелі бұлт шығады, жауын-шашынсыз. Жел екпіні 2-7 м/с. Ауа температурасы түнде +16...+18°С, күндіз +26...+28°С.

Шымкентте көшпелі бұлт шығады, жауын-шашынсыз. Солтүстік-шығыстан 8-13 м/с жел соғады. Ауа температурасы түнде +15...+17°С, күндіз +31...+33°С.

Оқи отырыңыз