Смайылов елімізде бизнестің қалай дамып жатқаны туралы айтты

Әлихан Смайылов , сурет - Zakon.kz жаңалық 14.07.2022 11:01

Сурет: akorda.kz

ҚР Премьер-Министрі Әлихан Смайылов ҚР Үкіметінің кеңейтілген отырысында кәсіпкерлікті дамыту бағытында атқарылып жатқан жұмыстар туралы айтты, деп хабарлайды Zakon.kz.

Смайыловтың айтуынша, Ұлттық жоба жүзеге асырылуда, оның аясында:

экономиканың басым салаларында 6%-бен жеңілдетілген несиелеу құралы кеңінен қолданылуда, оның ішінде ағымдағы жылдың ақпан айынан бастап шағын қалаларда, моноқалалар мен ауылдарда 5%-бен жеңілдетілген шағын несиелеу енгізілді;
мемлекеттік қолдау алатын кәсіпкерлік субъектілері үшін жаңа жұмыс орындарын құрудың міндетті қарсы шарты енгізілді;
несиелеудің шекті көлемі 7-ден 3 млрд теңгеге дейін қысқартылды, бұл ШОБ субъектілерін мемлекеттік қолдау шараларымен қамтуды арттырды.

Барлық нормативтік құқықтық актілерді қайта қарау арқылы маңызды емес және негізсіз нормативтік талаптарды ауқымды қысқарту жүргізілуде. Реформа бизнеске түсетін ауыртпалықты орташа есеппен 30%-ға айтарлықтай төмендетіп, оңтайлы және түсінікті нормативтік-құқықтық ортаны құруға мүмкіндік береді. ҚР Премьер-Министрі Әлихан Смайылов

Оқи отырыңыз