Жаңалықтар тізбегі
0

Жақында Қазақстанның жол қозғалысы ережесіне самокатты пайдалану ережесі де енгізіледі

самокат Сурет: Zakon.kz
Шілде айының басында Қазақстанда электр самокаттарды пайдалану стандарты бекітілгені хабарланған еді. Zakon.kz редакциясы осыған байланысты жол қозғалысы ережесіне тиісті жаңашылдық енгізілетін-енгізілмейтінін анықтауды жөн көрді.

Бекітілген стандарттар электр самокатын басқаратын адамның құқығы, қосымша жолаушыларсыз жүру, жылдамдықты 50 км/сағ асырмау, оған тұрған күйде міну және тағы сол сияқты нәрселерді қамтиды.

Құжат күшіне енді.

ҚР ІІМ Әкімшілік полиция комитеті төрағасының орынбасары Жандос Мұраталиев осыған байланысты Қазақстан Республикасының жол қозғалысы ережелеріне өзгерістер енгізілетінін айтты.

Электр самокатқа арналған стандарттың қабылдануына байланысты министрлік жақын арада жол қозғалысы қауіпсіздігін қамтамасыз ету бойынша қолданыстағы заңнамаға, соның ішінде Жол қозғалысы ережелеріне оларды қауіпсіз пайдалану ережелерін белгілеу бөлігінде өзгерістер мен толықтырулар енгізуді жоспарлап отыр, – деп жауап берді Жандос Мұраталиев ресми сауалға.

Полиция қызметкерлері самокат жүргізушілерінің жолда жүру ережесін сақтауын «жалпы негізде, күнделікті патрульдік қызмет аясында» қадағалайтын болады.

Жол қозғалысы ережесін бұзғандарға қандай жаза түрлері белгіленетіні әзірше белгісіз.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: