Алматының Наурызбай ауданында суық су тоқтатылады

29 шілдеде сағат 9:00-ден 17:00-ге дейін Наурызбай ауданындағы кейбір тұрғын үйлер мен ғимараттарға суық су берілмейді, деп хабарлайды Zakon.kz.

Шағын ауданның аумағында орналасқан кейбір ғимараттарда су уақытша өшіріледі. Атап айтқанда, Шұғыла - Жүнісова- Дала - Жақыпбаева - Нұрмұхамедов шағын аудандарында суық су болмайды.

Жаңа сумен жабдықтау жүйесін іске қосу бойынша жұмыстардың қауіпсіздігі үшін суық сумен жабдықтау қызметіне уақытша шектеулер енгізілген. Уақытша қолайсыздықтарға түсіністікпен қарауларыңызды сұраймыз, - делінген «Алматы су» МКҚК хабарламасында.