Қазақстанның төрт өңірінде дауылды ескерту жарияланды
Сурет: Zakon.kz
Абай облысының солтүстігінде, шығысында, оңтүстігінде найзағай ойнап, күндіз бұршақ түседі деп күтіледі. Солтүстік-батыстан соққан желдің күн күркіреген кездегі екпіні 15-20 м/с жетеді. Семейде күндіз найзағай ойнайды.
Шығыс Қазақстан облысының солтүстігінде, шығысында, оңтүстігінде найзағай ойнап, күндіз бұршақ түседі деп күтіледі. Солтүстік-батыстан соққан желдің күн күркіреген кездегі екпіні 15-20 м/с жетеді.
Қызылорда облысының солтүстігінде найзағай ойнайды. Солтүстіктен, солтүстік-шығыстан соққан желдің екіні облыс орталығында 15-20 м/с құрайды, облыстың басым бөлігінде және Қызылордада төтенше өрт қаупі сақталады.
Ақтөбе облысының солтүстігінде, оңтүстігінде, шығысында найзағай ойнайды деп болжанады. Солтүстік-батыстан, солтүстіктен соққан желдің күн күркіреген кездегі екпіні 15-20 м/с жетеді.
