Қостанай облысында киіктер даладағы видеокамераға қызықтап қарады

Қазақстан биоалуантүрлілікті сақтау ассоциациясы реинтродукциялау орталығының видеокамерасына ақбөкендер түсіп қалды. Орталық қызметкерлері кадрдан 5 мыңға жуық жануарды санап шықты, деп хабарлайды Zakon.kz.

Орталықтың мәліметінше, видеокамера бір-екі күн бұрын орнатылған. Ертеңіне-ақ үлкен отар камераға түсіп қалған.

Посмотреть эту публикацию в Instagram

Публикация от АСБК / Birdlife Kazakhstan (@acbk.kz)

Айта кету керек, бұл маңда жазғы уақытта киіктер үлкен топ болып жиналмайды. Үлкен отарларды көктемде көші-қон кезінде байқауға болады.

Биоалуантүрлілікті сақтау ассоциациясының жетекші маманы Альберт Салемгареевтің айтуынша, биыл ақбөкендер мұнда суға мұқтаж болғандықтан келген болуы мүмкін. Сол үшін үлкен отар болып келген.

Қазақстан биоалуантүрлілікті сақтау ассоциациясы реинтродукция орталығы Қостанай облысының оңтүстігінде, «Алтын дала» қорығының қорғалатын аймағында орналасқан.