Қазақстанда тұрғын үй сатып алу-сату операцияларының саны қысқарды

Ұлттық статистика бюросының мәліметінше, тұрғын үй нарығы құлдырап тұр. 2022 жылғы шілдеде тіркелген тұрғын үйді сатып алу-сату мәмілелерінің саны 30 393 құрады және өткен жылдың сәйкес айымен салыстырғанда 34,3%-ға азайды, деп хабарлайды Zakon.kz.

Оның үстіне барлық өңірлерде теріс көрсеткіш тіркелді. 2022 жылдың маусымымен салыстырғанда транзакциялар саны 2%-ға азайды.

Өңірлер бойынша шілдеде ең көп мәміле Алматы қаласында – 4 915 және Нұр-Сұлтан қаласында – 4 391 мәміле жасалған. Барлық транзакциялардың ең азы Солтүстік Қазақстан облысында жүзеге асырылған – 619. Ұлттық статистика бюросы

Өткен аймен салыстырғанда өңірлердің көпшілігінде транзакциялар санының төмендеуі байқалады. Мәселен, ең көп төмендеу Павлодар (-19,2%), Алматы (-17,0%) және Атырау (-13,8%) облыстарында байқалды.

Мәмілелердің өсуі тек 4 облыста тіркелді: Нұр-Сұлтан (14%), Алматы (11,5%), Батыс Қазақстан (7,5%) және Ақтөбе облыстарында (4,4%).

Бұл ретте мәмілелердің 72%-ы көпқабатты үйлердегі пәтерлерге жасалса, қалған 28%-ы сатылған жеке үйлердің үлесіне тиесілі.

Ең көп сұраныс 2 бөлмелі пәтерлерге тиесілі, шілдеде олар бойынша 8,4 мың мәміле жасалды, барлық мәмілелердің басым бөлігі Алматыда (1570), Нұр-Сұлтанда (1486) және Қарағанды ​​облысында (1304) жасалған.

Жеке тұрғын үйлер бойынша 2022 жылғы маусыммен салыстырғанда транзакциялардың өсуі тек Нұр-Сұлтанда (+9,2%), Ақтөбеде (+11,3%) және Батыс Қазақстан облыстарында (+27%) байқалды.