Нұр-Сұлтандағы тұрғын үйлерді газға қосуға 62,5 миллион теңге бөлінді
Сурет: Нұр-Сұлтан қаласының әкімдігі
Бұл туралы елорда әкімі Алтай Көлгінов Instagram желісіндегі парақшасында мәлімдеді, деп хабарлайды қала әкімдігінің ресми сайты.
Елордамызды газдандыруды жалғастырамыз. Өздеріңіз білесіздер, газдандыру қала экологиясына, тұрғындардың өмір сүру сапасына оң әсер етеді. Нұр-Сұлтан қаласының әкімі Алтай Көлгінов
Оның айтуынша, тұрғын үйлерді газға қосуды жеңілдету үшін бұған дейін бірқатар шаралар қабылданған:
үйлерді газға қосу құжаттарының тізімі қысқартылды;
халықтың мұқтаж санаттарына бөлетін соманы екі есеге арттырдық;
есептегіштер (газ есептегіштері) тегін беріледі;
Пайызсыз несие бағдарламасы да бар.
Мұқтаж азаматтар үйлерін газға қосу үшін әлеуметтік көмек ала алады. Сәуір айынан бастап материалдық көмектің мөлшері екі есеге өсті – сома 410 мың теңгеден асады (130 АЕК-ке дейін). Алтай Көлгінов
Елорда әкімінің айтуынша, тамыз айындағы жағдай бойынша бұл әлеуметтік көмекке 188 отбасы өтініш білдірген, оның ішінде 178 отбасына (зейнеткерлер, мүгедектер, көп балалы отбасылар) әлеуметтік көмек тағайындалған. Жалпы сомасы 62,5 миллион теңгеден астам.
Әлеуметтік көмектің бұл түріне өтінімді egov.kz порталы арқылы беруге болады. («Электрондық өтініштер» - «қызметке онлайн тапсырыс беру»). «Мазмұны» бағанында тұрғын үйді газдандыруға әлеуметтік көмек, «алушы» бағанында – Жұмыспен қамту және әлеуметтік қамсыздандыру басқармасы таңдалады. Алтай Көлгінов
Әкім атап өткендей, Сарыарқа және Алматы аудандары газбен толық қамтамасыз етілді.
Бұл үшін 680 шақырымнан астам газ тарату желілері салынып, кварталішілік желілер жөнделді. 14 мың абонент газға қол жеткізді, 6 мыңнан астам абонент техникалық шарттарды алды. Сондай-ақ, қазірдің өзінде 4,6 мыңнан астам үй газға қосылған. Сондай-ақ, әлеуметтік нысандар газға қосыла бастады. Алтай Көлгінов
Әкімнің айтуынша, қалған аудандарда – Байқоңыр мен Есілде газ құбырын тарту жұмыстары басталып кетті.
Мысалы, бұл Ж.М.Ильинка (Үркер), Өндіріс, Пригородный, Тельман ықш. Family Village, Garden Village және т.б. Чубари. Екі ауданда – Есіл мен Байқоңырда алдымен газ құбырын, ал кварталішілік желілерді келесі жылы саламыз.
Газдандыру барысы мемлекет басшысының бақылауында. Алтай Көлгінов
