Мексикада 10 кенші шахтадан шыға алмай жатыр

Мексика көмір шахтасынан екі апта бойы шыға алмай жатқан 10 кеншіні құтқару үшін АҚШ пен Германиядан көмек сұрамақ, деп хабарлайды Zakon.kz.

Мұны осы елдің сыртқы істер министрлігі хабарлады, деп жазады qazaqstan.tv.

Мексиканың солтүстігіндегі «Пинабете» шахтасының қабырғасы тамыздың 3-інде құлап, кен орнына су кірген. Қазір құтқарушылар сол суды сыртқа шығарып жатыр.

Жұмысшылардың туыстары болса, шахтерлердің өміріне қауіп төніп тұрғанын қайта-қайта ескертіп, үкіметтен шұғыл қимылдауды талап етіп отыр.