Жетісу облысында жыл басынан бері 220 интернет алаяқтық дерегі тіркелді

Интернет алаяқтары шабуыл жасап жатыр, сурет - Zakon.kz жаңалық 23.08.2022 16:24

Сурет: unsplash

Олардың 125-і әлі ашылған жоқ. Тәртіп сақшылары тұрғындардың сақ болып, күмәнді қоңырау мен хабарламаларға алданып қалмау үшін ақпаратты ресми органдардан нақтылауды ескертеді, деп хабарлайды Zakon.kz.

Таяуда ғана өздерін полиция департаментінің өкіліміз деп таныстырған белгісіз біреулер 53 жастағы азаматты несие алуға мәжбүрлеп, 2,7 млн теңгеге сан соқтырған, деп жазады qazaqstan.tv.

Алаяқтар WhatsApp мессенджері арқылы өңір тұрғынына жалған қызметтік куәліктер мен тергелген іс құжаттарының суреттерін жіберу арқылы сендірген.

Алаяқтар жәбірленушіні өз сөздерінің дұрыстығына сендіріп, оны банктен үлкен несие алуға және олар көрсеткен шотқа жіберуге мәжбүр етті. Қазіргі таңда біз ақшаны қайда жібергенін анықтап, басқа қажетті жедел іздестіру жұмыстарын жүргізіп жатырмыз. Аталған дерек бойынша ҚР ҚК 190-бабымен қарастырылған қылмыстық іс тіркелді. Руслан Шарапиев, Жетісу облыстық полиция департаменті тергеу басқармасының басшысы

Оқи отырыңыз