Қазақстанда тамыз айында инфляция 16 пайыздан асты
Сурет: Zakon.kz
2022 жылғы тамызда азық-түлік тауарларының бағасы өткен жылдың тамыз айымен салыстырғанда 20,8%-ға, азық-түлік емес тауарларға – 15,5%-ға, ақылы қызметтерге – 10,1%-ға өсті. Ұлттық статистика бюросы
Сонымен қатар, азық-түлік нарығында баға бір жылда ең жоғары көтерілген қант түйіршіктері – 92,8%, пияз – 46,9%, ұн – 41,4%. Макарон өнімдері – 35,7%-ға, жарма – 32,7%-ға, ірімшік – 29%-ға, құс еті – 27,9%-ға қымбаттады. Сүт өнімдері 26,7%-ға қымбаттады.
Бағаның төмендеуі қызылшаға – 12,4%-ға, сәбізге – 11,6%-ға байқалды.
Азық-түлік емес тауарлар бағасының өсуі 2022 жылғы тамызда (2021 жылғы тамызбен салыстырғанда) 15,5%-ды құрады. Баға деңгейі кеңсе тауарларына – 60,5%-ға, мектеп сөмкесіне, студенттік сөмкеге – 44%-ға, жеке тауарларға – 28,4%-ға, жуғыш және тазалау құралдарына – 26,6%-ға, тұрмыстық техникаға – 24,2%-ға, құрылыс материалдарына – 20%-ға, балалар аяқ киім – 19,6%, жиһаз және тұрмыстық заттар – 19,2%, ыдыс-аяқ – 16%, балалар киімі – 15%, автомобильдер – 14,6%, тоқыма бұйымдары – 11,3%, кітаптар – 10,9%, фармацевтикалық өнімдер – 10,7%-ға.
Ақылы қызмет көрсету бағасы бір жылда 10,1%-ға өсті. Баға деңгейі кешенді демалыс ұйымдарына – 20,1%-ға, қоғамдық тамақтандыру қызметтеріне – 18,4%-ға, санаторийлерге – 15,3%-ға, денсаулық сақтау – 14,9%-ға, шаштараз және жеке күтім қызметтеріне – 13,8%-ға, қонақүйлерге – 6,9%-ға өсті. Жолаушылар көлігі қызметі 5,7%-ға өсті.
Тұрғын үй-коммуналдық шаруашылық саласында электр энергиясына, қоқыс шығаруға – 3,7%-ға, су бұру – 1,6%-ға, орталықтан жылытуға – 2,3%-ға, ыстық суға – 0,9%-ға тарифтер төмендеді.
