Еңбек министрлігі әйелдердің зейнет жасы туралы айтты
Сурет: Zakon.kz
Мемлекет басшысы Қасым-Жомарт Тоқаевтың биылғы 1 қыркүйектегі Қазақстан халқына Жолдауында зейнетақы жүйесінің тиімділігін арттыру бойынша жаңа шаралар пакеті ұсынылды. Олардың бірі - 2023 жылдан бастап әйелдердің зейнеткерлік жасын 61 жас деңгейінде жоспарланған арттыруды 5 жылға тоқтата тұру.
Бұл шара коронавирус пандемиясының азаматтардың денсаулығы мен өмір сүру ұзақтығына теріс әсерін ескере отырып қабылданды, - делінген Еңбек және халықты әлеуметтік қорғау министрлігінің хабарламасында.
Министрліктің хабарлауынша, алдағы 5 жыл ішінде денсаулық сақтау жүйесін жақсарту жөнінде шараларды қабылдау көзделеді. Бұл ретте ауыл медицинасына, азаматтардың денсаулығын қалпына келтіруге және қолдауға бағытталған оңалту орталықтары желісін құруға және кеңейтуге ерекше назар аударылатын болады.
Қазақстан президенті Қасым-Жомарт Тоқаев халыққа Жолдауында 2028 жылға дейін әйелдердің зейнетке шығу жасы 61 жас болатынын айтты.
Мемлекет басшысы базалық зейнетақының ең төменгі мөлшерлемесін ең төменгі күнкөріс деңгейінің 70%-ға, ал ең жоғарысын 120%-ға дейін дәйекті түрде ұлғайту керек екенін атап өтті.
