Ең көп этнос өкілінен құралған қазақстандық оркестр Гиннесс рекордтар кітабына енді

Елордада рекорд тіркелді, деп хабарлайды Zakon.kz.

Бейбітшілік және келісім сарайының сахнасында бір мезетте бірнеше ұлт өкілі музыкалық композиция орындады.

Бұл оқиға ең көп этнос өкілі бірге өнер көрсеткен шара ретінде Гиннестің рекордтар кітабына енді.

Шараға әлемдік кітаптың ресми төрешісі Джак Брокбэнк арнайы келіп қатысты.

Ең көп ұлтты музыкалық топ әлемдік шығармалармен қатар, Абай әндерін де орындады. Әлемдік ауқымдағы музыкалық фестиваль – дін лидерлері съезі қарсаңында ұйымдастырылған шаралардың бірі.