Канадада жаппай кісі өлтірді деген күдікті қамауға алынды
Сурет: pixabay
7 қыркүйекте канадалық полиция бірнеше кісі өлтіруге қатысы бар жалғыз күдіктіні ұстады. Канаданың орталық бөлігіндегі Саскачеван провинциясындағы Ростерн қаласының маңында 30-дар шамасындағы ер адам ұсталды, деп хабарлайды Deutsche Welle.
Тергеушілердің айтуынша, ол ағасымен бірге Джеймс Смит Кри Бірінші Ұлт пен Уэлдон ауылын қоса алғанда, 13 түрлі жерде қылмыс жасаған.
Барлығы 10 адам қаза тауып, 18 жергілікті тұрғын пышақ жарақатынан зардап шекті.
Күдіктінің ағасының мәйіті 5 қыркүйекте табылды, оның денесінде жарақат белгілері бар, полиция оның өзіне қол салуы мүмкін емес деп санайды.
Полиция ұсталған азаматты 20 жылдан астам біледі. Кәмелетке толған соң ұрлық пен зорлық-зомбылықты қоса алғанда, 59 құқық бұзушылық жасаған.
Жасөспірім кезінен ішімдік пен есірткіге байланысты қиындықтарға тап болды. 14 жасында кокаин қабылдай бастады.
4 қыркүйекте пышақпен қаруланған қылмыскерлер он адамды өлтірді. Канаданың премьер-министрі Джастин Трюдо шабуылдарды айыптап, тұрғындарды жергілікті билік жаңалықтарынан хабардар болуға шақырды.
