Ақмола облысында сақ жауынгерінің сүйегі табылды

Сақ дәуірінің сүйектері табылды, сурет - Zakon.kz жаңалық 08.09.2022 16:36

Сурет: pxhere

Ақмола облысының Бурабай ауданында сақ жауынгерінің сүйегі табылды, деп хабарлайды Zakon.kz.

Жаңажол және Көрнекті ауылдары арасындағы қорымды жергілікті тұрғындар кездейсоқ байқап қалған. Көп ұзамай қазба жұмысы басталып жауынгер сүйегі мен ат әбзелдері, қылыш, пышақ пен жебенің ұштары табылды, деп жазады qazaqstan.tv.

Аққинақ қылыштың ұзындығы - 35 саниметр. Жәдігерлер қоладан жасалған. Сондықтан өте жақсы сақталған. Мамандардың айтуынша, қорым сақ дәуіріне тиесілі. Қазір ғылыми зерттеу есебі дайындалып жатыр.

Диаметрі 5 метрден тұратын қорғаннан мынадай жәдігерлер шығып жатқан кезде жанындағы басқа да қорғандардан сақ заманында 7-3 ғасыр б.з.д ол жерде сол тиілмеген бе деген сияқты, тоналмаған ба деген сияқты, өз заманында тоналмаған ба деген болжам жасап отырмыз. Бұл жерде үш қорған бар зерттеген кезде. Бұрын-соңды орманның ішінде болғаннан кейін бізге әлі күнге дейін белгісіз болып келді. Жасұлан Үкеев, облыстық Тарихи-мәдени мұраны қорғау және пайдалану орталығының директоры

Оқи отырыңыз