Маңғыстау облысында 10 бала туберкулезге шалдыққан
![Маңғыстауда ауру балалар көбейді, сурет - Zakon.kz жаңалық 09.09.2022 12:48](https://kaz.zakon.kz/pbi/WEBP/2023-12-20/file-515e6002-fbfb-4167-80a9-a37fe375fa1a/800x451.webp)
Жыл басынан бері Маңғыстау облысында туберкулездің 222 жағдайы тіркелді, оның 10-ы – балалар. 100 мың халық санына шаққандағы көрсеткіш 29,3%-ды құрап отыр, деп хабарлайды Zakon.kz ҚР ДСМ Санитариялық-эпидемиологиялық бақылау комитеті берген ақпаратқа сілтеме жасап.
Былтыр ауру фактілері 11 жағдайға кем болса керек.
Туберкулез - микобактериялар тудыратын және науқас адамнан сау адамға сөйлесу, жөтелу және түшкіру кезінде ауа арқылы берілетін жұқпалы инфекциялық ауру.
Аурудың алдын алу жолдары: салауатты өмір салтын ұстану, дұрыс тамақтану, дене шынықтыру, үй ішін тазалықта сақтау, желдету, үй жануарларын баптап ұстау, жеке бас гигиена қағидаларын сақтау.
Туберкулезге қарсы күрестің басты тәсілдерінің бірі – вакцинация. Екпе дені сау нәрестеге алғашқы төрт күнде егіледі. Екінші екпе 6 жаста, бірінші сыныпта жасалады. Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті
Мамандар ата-аналарға Манту сынамасы екпе емес екендігін қаперге салады. Ол – туберкулезді ерте анықтауға арналған диагностикалық тест. Осылайша, БЦЖ ревакцинациясы Манту сынамасы теріс нәтиже көрсеткен жағдайда ғана жүргізіледі.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript